陸羽仁 - 順勢而行見險而退

豐控股(005)行政總裁紀勤接受英國《金融時報》訪問，文章在10月4 日(對上一個星期日)見報，佢預測經濟將出現W形成長而非V形成長，即係話有第二浪下滑。有趣的是，佢講完之後，環球股市卻在近期觸底反彈，美股更在上周五創了收市新高，杜指收報9864點，股市似乎並未預計經濟會如紀勤所講咁發展。

在追問紀勤所講的W形成長有無可能出現前，或者應該先詳細睇睇紀勤究竟對《金融時報》講乜。《金融時報》的文章題為「控頭頭憂慮出現第二波下滑」。所有事物都要放在合理的背景上看，《金融時報》就交代了事情的背景，在報道出街10天前，控宣佈人事變動，紀勤將會把辦公室搬到香港，外界預期紀勤權責擴大後，會推動控更快擴張，但紀勤的回應是「我不似其他人那樣相信最壞的情況已經過去，真實情況是未來的盈利會顯著減少。」

紀勤擔心數月內出事

紀勤非常相信未來數月內(inthecomingmonths)將會有第二波下滑，所以將擴展控的計劃推遲。「究竟是V還是W？我估係W，我們要好小心，不要在復甦真正來臨前，就把資產負債表擴得太大，否則未來又要(為這些資產)撥備。我對急促擴充非常審慎。」紀勤的審慎態度亦源於另一個有關銀行監管制度的憂慮，銀行有所謂「核心一級資產充足比率」(coretieroneratio)，來量度銀行的優質資本相對於承受風險資產的比例，目前控已是英國銀行中資產狀況較好的銀行，核心一級資產充足比率是8.8%，雖然傳言監管機構將來要求的核心一級資本充足比率是8%，但紀勤卻認為政府將會要求銀行的核心一級資本充足比率要達到10%，所以控要好小心控制投資。

《金融時報》的文章無解釋紀勤為何話會出現W形成長，但卻引述了美國通用電氣(GeneralElectric)國際業務部負責人貝卡利(NaniBec-calli)的解釋，話各國政府開始討論退市的策略，計劃把他們注入經濟體系的大量資金移走，這顯然是走得太快。他的擔憂源於各國領袖面對一個決策困境，各國正考慮何時退市，退得太快可能會出現一個W形的衰退/復甦，退得太慢又會帶來通脹，為下一次危機埋下種子。


控想在內


地收購

《金融時報》的文章亦有透露控的擴展方向，話控的內幕人士和顧問透露，控的目標是在內地進行收購，藉此快速壯大佢在中國市場的位置。而紀勤就話當佢搬到香港並負責策略發展後，可以更好地協調公司向中國推進。控希望能成為第一批在上海交易所上市的外國公司，這件事可能在明年上半年發生。

這就是《金融時報》的報道內容，看完之後難免有一個疑問，紀勤明年2月移到香港上班兼負責公司策略發展，如今大講W形的風險，又話企業盈利會顯著減少，又話不能過快投資，會不會是一種「控制期望」的策略，讓外界不致對他期望過高而很快失望。

我估紀勤多少都有點管理期望的動機，那一個聰明的CEO不去管理投資者的期望，但他做這件事情不能太離譜，他一定要相信有第二次經濟急滑的可能性，否則如今大講要審慎投資，但結果第二次衰退無來，控卻錯過了投資的機會，紀勤一樣會被人鬧。

所以回到核心問題，到底會不會出現W形成長，即係有第二波大跌呢？紀勤無講過出現W形的原因，通用電氣的貝卡利認為各國政府退市太早會出現第二波大跌，大摩亞太區主席羅奇就話美國復甦的力度不夠大，令人擔心第二波下跌會來。


資金急增股


樓彈升

要估計有無第二波大跌，先要明白這一波大反彈點來。投資市場長線睇經濟基本因素，但短線只睇供求，股市樓市短期飛升，主要係供不應求所致，即係話各國政府大印銀紙令金錢太多，資產太少，人心稍定時，資產價格即刻被搶高。

經濟基礎較好，資金供應又多的地方，這個價格跳一級的情況最嚴重，中國就是好例子，所以股市由1600幾點跳上3400幾點，升一倍有多，價格跳得太厲害，形成一個小泡沫，結果阿爺略為收緊資金供應，個小泡沫就爆，如今緊氣。另一個極端是美國，佢資金供應雖然多，但經濟基礎好弱，所以資產價格跳級的情況無咁明顯，咁反而健康，美股就係一小級一小級咁上，如今仲上緊。

既然資產市場、甚至經濟第一波大反彈係源於政府放水，按道理只要政府水源繼續，佢就有條件反覆炒上，所以大摩羅奇的擔憂有點過慮，如果美國經濟反彈的數字唔夠好，力度唔夠大，結果就只會令美國政府推遲加息，延長放水的時間，甚至放出第二、三波的救市措施來穩住經濟。當大家都見到去年金融海嘯都救得掂時，就會信呢次都救得掂，假設港股跌番落去，去到18000點，都會有好多人撲晒出來入市，呢就係所謂「市場有信心」，所以經濟唔好個市都唔係咁易死得去。若羅奇擔心的情況出現，經濟彈得好慢，政府大力放水，股市或有波動，但在資金水浸的情況下，結果又係一個「炒」字。

反而真正應該擔心的是通用電氣貝卡利講的問題：政府過早退市。


未有急升何

來急跌？

但我認為，出現W形的情況唔係完全無，但機會較低，在我眼中這只是一種風險，有20%、30%機會出現，但唔會預測佢好大機會出現，主要推論係咁，第一，若未來經濟數據唔夠好，只會令以美國為首的各大國繼續狠狠放水，在水淹三軍的情況下，加上中國和印度經濟仍維持相當高速增長，經濟和股市調整唔奇，但唔會大插。第二，若未來經濟數據溫和向好，但美國自己知自己事，聯儲局唔會太急於全面收水，因為大家都想享受泡泡浴，都愛享受拍掌聲，所以唔會咁負責任及早加息。

如果你問我的擔心，我不是擔心好快會有第二波下跌，我反而擔心當美國經濟開始快速改善和升溫時，利息又維持低企，在較遠的將來出現惡性通脹。呢個就係商品大王羅傑斯經常講的問題，如今商品價格平均只係比低位反彈了三成，因為歐美經濟未得，所以商品價格未能大升，但以美國為首的各國政府大印銀紙，遲早令商品價格急升，引來惡性通脹。這和我一個估計的思路合，美國想盡量推遲加息的時間和幅度，客觀效果就係要冒惡性通脹的風險。

羅傑斯叫人買商品唔好買股票。長線難講，但短線來睇佢呢個講法未必，因為佢假設有高通脹出現，通脹一來，所有東西都會升，資產如股價樓價都會受惠，在這種情況下資產價格可以升得好急，直至到通脹轉猛，政府被逼要大力加息控制通脹時，才會刺破資產泡沫。未有急升，何來急跌？所以羅傑斯估商品要升、股票要跌，若佢估計通脹的走勢係，就會令人錯過股市的升浪；若佢對通脹的估計錯誤，商品亦不會升。


油價急升最壞指標

若你只看未來半年，用我的語言總結，佢就係順住個勢去炒上。在這種百年不遇的金融海嘯後，資金洶湧，最大的變數是政府如何退市，退得快是災難，退得遲是泡沫，唔係咁容易退到好。我地又點估半年後股市一定會掂或者一定唔掂，綜合而言可以睇得樂觀少少，順勢而行，見險而退，投資可以做，但唔好太身喪炒，例如你同時炒5間豪宅，就要諗萬一個市有第二波下滑時自己頂唔頂得順。

若分析大市，未來真正兇險是通脹急升時，最關鍵的指標是油價，上一浪油價高位是147美元，如果見未來油價再升到120、130美元，就係危險訊號浮現之時。通脹急升，政府無得揀被逼要做，要大力加息壓抑通脹，見到惡性通脹出現時就要諗後路啦。