陸羽仁 - 業績唔好派息搭夠

港股昨日牛牛皮皮，靜得好緊要，昨日早上高開108點後，升完一浸就開始跌，由20,543點跌至20,402點才反彈，中午前曾升至20,577點。午後略抽後又回，曾倒跌逾20點至20,411點水平，尾市靠穩，最後收市報20,456點，升21點或0.

1%。國企指數升2點或0.02%，收報11,657點，成交額553億元，係近期的低位。

藍籌巨股控(005)升0.9%，中移動(941)股價漲0.1%，咁低成交額不利港交所(388)，收市跌0.7%。期指就快結算，港股好似無方向咁，平時話佢跟內地市，但昨日又自己玩上落，唔係跟得咁足，內地股市午後漲幅持續擴大，最後上證綜指收報2965點，上漲51點或1.78%，上海、深圳兩市成交額共計2279億元人民幣。內地市成交額係香港4.7倍，睇落都有驚。


內地成交近香港5倍

金管局任總退休前寄語繼任人「命陳」，叫佢主力要發展香港和內地金融關係，都係至理名言。任總坦言內地經濟規模已經很大，暗示即使金融業本來係香港的強項，但唔跟內地一齊搞就無運行。恒隆(101)主席陳啟宗話，15年內上海樓價追上香港樓價，我恐怕如果內地開放人民幣自由兌換，人民幣到時再升值，上海樓價已追到香港，可能係10年內的事，唔係15年。

昨日係業績報告高潮，大公司有做得好亦有做得無咁好，思捷環球(330)公佈，截至09年6月底止全年業績，純利47.45億元，較08年同期的64.5億元倒退26.4% ，每股盈利3.81元，派末期息每股72仙，另派特別息1.33元，即合共2.05元；期內營業額跌7.4%至344.9億元，生意做少，年內經營溢利按年跌25.8%，至57.29億元，生意亦無咁好賺，毛利率為由去年53.6%，降至期內52.1%，下跌1.5個百分點，期內純利率為13.8%。

思捷好多歐美生意，受金融海嘯打擊，生意做少7.4%，成本減唔到咁多，毛利率難免跌，唯一有意思的是思捷旗下中國聯營公司，上半年溢利1.6億元，按年仲升11%，可見只有中國市場無受咁大打擊。思捷純利倒退，馬上令市盈率由11.5倍彈升到15.7倍，不過佢有65億現金，就拿一點出來派息益股東，加派1.33元特別息，夾埋正常末期息共派2.05元，只計最後呢期息都有3.4厘息率，搞到股東好高興，股價亦升3.2%到59.9元，所以業績唔靚派息搭夠一樣掂。

不過國企股就唔係咁高派息，特別係中期息更加慳得就慳，呢個習慣唔多好。

國壽(2628)派成績表亦靚仔，你問我點睇國壽業績，國壽公布中期純利182.3億元人民幣，按年增長15.1%，每股盈利64分，不派中期息；期內已實現淨保費收入及保單管理費收入升11.05%至874.34億元；證券界事前預期，國壽上半年純利介乎13 9.65億至198.63億元，如今接近預測上限。

證券界話國壽新業務價值增長強勁，按年上升38%，拉高業績，瑞信提升國壽目標價2.5%至40元，維持跑贏大市評級，指上半年新業務價值增長帶來驚喜，高於該行原測16.5%，結果升38%。而德銀亦重申國壽目標價40.3元(相當新業務價值35 倍)，認為係內地保險業首選，指其上半年純利高於該行預測22%以上。國壽昨日升3.2%，收34.3元，國壽股價雖然不便宜，但勝在交到功課。


國航跑贏國泰

中國國航(753)業績亦唔差，截至09年6月底止中期純利28.8億元人民幣，較08 年同期11.3億元增長1.6倍，每股盈利24.3仙，不派息；期內營業額跌13%至212.09 億元。高盛指國航上半年撇除一次性收益後純利18億元人民幣，優於該行原預期6.

5億元及市場平均預期10億元，期內期油對沖收益近15億元，亦高於原預期9.9億元。高盛話，市場對國航的焦點會集中在下半年業務復甦，但維持其中性評級及一年目標價3.95元，因現價相當企業價值對機隊價值(EV/FV)的0.97倍，已高於該行對其0.94倍的目標價估值。國航股價受業績良好刺激，升3.6%，至4.64元。

將國航同國泰(293)的上半年業績比較，國航明顯佔優，國泰上半年營業額309 億港元，按年跌27%，跌幅比國航跌13%大得多，國泰半年純利8.1億，扣除燃油對沖收益無錢賺，亦遠低於國航的28.8億純利。國泰深受貨運業務大衰退打擊，而國航較集中客運，受影響較少。國泰高峰期在07年，當年有70.2億港元純利，同年國航只有40.5億元人民幣純利。國泰係香港旗艦航空公司，佢業績多少反映了香港的生意，希望佢只係衰一時，唔係長期跑輸俾國航啦。