陸羽仁 - 內銀股一個月到站

美股周一假期休市，內地A股先跌後回穩，恒指低開12點後，受中資股帶動，即時回升，並上衝20800點，但未能企穩，之後在附近窄幅橫行。中央公佈即將在香港發行60億元人民幣國債，滬深股市下午愈升愈有，上證綜指迅速突破29 00點關口。恒指下午亦跟隨發力，成功突破近期的重大阻力位21000點，收市仍企穩21000點上方。

上證綜指收報29308點，漲1.7%，滬深兩市重上20天移動平均線，總成交額共2 321億元，內地A股連續反彈六個交易日。不過恒指更強，昨日已經係連續第四日收高，累積升幅更超過1500點，恒指昨日收報21069點，大升440點，期指收報21062 點，升429點，比現貨低水8點，成交68802張。國企指數收報12276點，大漲297點或2.5%。大市成交增至711億元。


港股蓄勢破高位

話恒指強過A股絕不為過，因為昨日恒指高位21133點，距離8月4日造出的今年高位21196點，只差63點就要創新高，可見港股如何強勢。阿爺宣佈在香港發行60 億人債，雖然話支持香港做國際金融中心，但只是抽象好處，大市若因此炒高，亦只係借勢上而已，若氣氛唔好，見到呢消息可以照跌可也。正如陸羽仁早兩日開始講，唔理個市點樣升得無厘頭，但佢升得上去總有它的理由，千祈唔好唔信佢會升，因為你愈唔信佢愈升。雖然內地股市未能大幅向上，但睇港股個勢，似要上破高位，要一舉殺晒唔信佢有能力創新高的淡倉之後，才會回頭。

兩隻重磅股控(005)及中移動(941)昨日個別發展，控亞太區主席鄭海泉話，將集中發展亞太區新興市場，考慮併購機會，大笨象昨日以接近全日最高位收市，但表現仍略為跑輸大市，收報84.75元，升1.9%。中移動衰一排昨日終於吐氣揚眉，雖然低開約1%，但之後急起直追，挑戰80元，雖然未能突破，但尾市再度抽上，以接近全日最高位收市，收報79.6元，漲2.8%，跑贏大市。

恒指金融分類指數與恒指同步，升2.1%，推動力主要來自中資金融股。「六行三保」全線向上，國壽(2628)及平保(2318)升逾2%，記得一個月前內銀股從高位回落10%時，我話可以買，望佢3幾個月可以升番上高位，但我都估唔到買一個月就到站，建行(939)昨日收6.3元，再逼近一年高位，工行(1398)收5.89元，仲創埋新高。


「10倍股」唔買都睇

摩根大通有個研究報告吸引到我的眼球，佢以「10倍股」(Ten-Baggers)為主題，摩通話佢地過去15年成功發掘出多隻股價翻番的「10倍股」，如中移動(941) 及海螺水泥(914)等，該行估計新一批的「10倍股」將在中國的互聯網、汽車和天然氣等行業培育出來，呢份報告題材咁吸引，真係好似小販叫賣咁：「唔買都睇」。

摩通精選8隻有機會成「10倍股」的紅色股份，有6隻在港上市，有2隻在美國上市，包括阿里巴巴(1688，市值1091億)、恆安國際(1044，市值536億)、東風(48 9，市值725億)、新奧燃氣(2688，市值133億)、北京控股(392，市值441億)、中華煤氣(003,市值1237億)，餘下為美國上市的百度(Baidu，市值927億港元)及網易(N etease，429億港元)，指均具長線投資價值。

舉例講，摩通在互聯網股中睇好阿里巴巴，認為佢有最快增長的網上商業業務，發展增值服務，以及將業務國際化，可以持續提升公司盈利；在消費類看好賣紙巾和生巾的恆安，認為中國對高質素生紙需求龐大，公司有長期增長空間。

在汽車業中摩通睇好東風，認為佢在行業結構處領先地位，擁多元化策略夥伴，有增長前景。

部份摩通建議的股份，近期已經急升，例如阿里巴巴，市值升到1091億，若真係要升10倍，市值要升到1萬億以上，聽落好似好難想像，不過摩通係講緊10年、15年的時間，真係無人知到時係乜世界。雖然摩通揀股反映鬼佬口味，例如對互聯網股的偏愛，但從中揀番幾隻市值較細或較平的股份，等回吐時逢低買，番10年、8年都可能有意外收穫(6隻股中市盈率較低的係東風，15.8倍；新奧燃氣，17.9倍；北控，19.4倍)。記住，買呢股票係買一個「中國崛起夢」，你唔信就唔好買啦。