陸羽仁 - 逆勢投機要識止蝕

網友GIGI問起我講「逆市操作的投機」，佢話，「笨笨的我唔係好明，『逆市操作的投機』，同『順勢的投機』、『分

段趁低吸納的投資』又有咩唔同呀?」

我講過投機時第一步要研究每場賽事每個投機對象的勝出率，首先要搞清楚自己買緊短途、中距離、還是長途賽事。好多散戶炒期指即日鮮，是超短途賽事，玩幾個鐘定輸贏。散戶買窩輪亦應是短途賽事，因為窩輪的時間值日日縮，長少少發行商一定贏，最多三幾日要定輸贏。炒股一段可以係中距離賽事，10日、8日，甚至一個月都得，不過如果輸錢唔止蝕，就可能投機變投資，一幾個月甚至一年。好多大投機家的投機係長途賽，例如索羅斯93年賭英鎊下跌和97年賭港元脫，就係長途賽，賭幾個月至一年。

即日低位唔 易搵

投機活動若是短途賽，快進快出，順勢較易贏錢。炒期指上晝見到個日中低位，例如係19700點，就定個盤穿19700點順勢沽，若期指真係破位向下，沽家的目標只是食50點、甚至100點，都有較大機會命中，這就是順勢投機。反過來說，若今日玩幾個鐘見到大市係一個跌市，你想搵個位期指博反彈，希望搵個日中低位去，事實上唔係咁易搵到，因為個市一級級向下，你買入博反彈，可能5分鐘後就要止蝕。

你可能會問，唔係呀，我見跌市時買貨，坐佢一排，等佢反彈會贏錢，點解你話逆市投機唔得呢？

分段吸納睇股份價值

的確有人專門做這種事，第一，佢可能係投資者，見好股回落買入長，而非投機者，分段吸納好股要事先安排好計畫，以股份價值衡量買入價位，有無長期防守性，而非看短期的走勢。第二，有種人專門買大跌股，見股份大跌就撲入去，唔止蝕，又真係不少時間都搵到水，不過最後遇到一隻股跌兩跌停牌死埋，咁就一鋪清袋。

要做好這種事情，要係專家，佢識分邊種股大跌會死(例如莊家股)，邊種股大跌都唔會死(例如紅色股)，限注碼定埋止蝕，然後入市去博，的確有機會搵到錢，但呢種動作有少少似玩雜技，要問自己有無咁眼光同技術至好去做。第三，有些專業人士專炒上落股，例如隻紫金礦業(2899)炒味甚濃，由去年12月到今年4月，主要在4元至5元中間浮沉，5月走上一個台階後，又在6至8元中間上落，炒作者見佢跌近6元時去，定番5.5元止蝕，佢一般都唔會跌穿6元，買入等佢升近8元就走，你知道呢種股份的「正常」炒法和上落幅度，逆勢去風險會細一(唔係無風險)。

順勢短炒贏 面較高

以中短途投機而言，順勢投機走一轉，個市升緊就買，個市跌緊就沽，順勢食一段就走人，對一般散戶投機者而言，較易操作，較少觸及止蝕位要打靶，取勝率較高。至於逆勢投機，由於好多人唔止蝕，表面睇好似同樣咁易，但其實隱藏了不低的風險。逆勢投機若擺止蝕又會好容易中，有時一買過一日就要止蝕。