陸羽仁 - 半日生與死

港股昨日因颱風影響，只有半日市。內地A股朝早偏軟後回穩，午後由跌轉升，恒指下午高開117點，突破21000點，但虎頭蛇尾，開市已經係全日最高位，之後掉頭下跌，跌幅不斷擴大，21000點再度失守，臨近收市的最後15分鐘才略為反彈。

恒指收報20866點，跌66點或0.3%，期指收報20824點，跌56點，比現貨低水42 點。國企指數在金屬資源股的支撐下靠穩，只係微跌1跌，收報12156點。大市半日成交310億元。


殯儀股掀炒風

打風得半日市，經紀張在2點半開市時打電話來，呻到樹葉都落，話星期一有個行家叫佢追隻殯儀股中國生命(8296)，佢見隻股已經升到2.2元咁貴，比上市第一日造的1.04元升咁多，買唔落手，但昨日下午一開市已經開2.5元，經紀張話如果買即執0.3元，大呼走寶。過一陣隻衝上3元時，經紀張終於忍唔住買1 注，跟住就不斷打電話畀我，好似身歷聲咁直播佢點樣炒，近3點隻開始再開車，急升到3.5元佢再追一注，4元再追一注，平均價3.5元，隻仲升，那一刻經紀張牛到不得了，話收市前一定見5元，半日市要升1倍有多。

我聽到經紀張話「一定」，仲以為佢有份做莊，問佢又唔覺佢有乜內幕，乜都係「聽人講」，隻在3點15分左右仲衝上高位4.25元後就回頭，經紀張初時仲以為回氣會再上，點知10分鐘都唔夠，就連3元都穿埋，真係睇到經紀張眼都突，雖然我見唔到佢個樣，但係透過個電話聽筒，都覺得經紀張標緊冷汗。佢話如果再插落去唔停，真係要叫間公司送塊板畀佢使。後來隻彈番少少，在3.1元上下浮游，到接近收市前，經紀張壯士斷臂，3.1元打晒靶，賭1個鐘輸11%，由天堂到地獄，可謂「半日生與死」，聽佢口氣。呢個鐘唔見佢3、4個月人工，好傷，呢幾個月又白做啦。不過經紀張炒股唯一專業的地方係肯止蝕，贏佢會睇過夜，輸就即斬，怕過完夜輸得仲甘。

睇番隻殯儀股昨日成交3億股，成交金額9.6億，佢發行股數都係得6億股，如果係真實成交，即係昨日一日有一半股份轉手，而且呢隻連續3日都係咁大成交，若係真要街貨要轉完又轉先至得。炒股老手話，咁大成交，不斷炒起，可以炒多一、兩個月炒到上太空，也可以在昨日已突然死亡，無人知幾時架車已開到總站。當你慣佢日日會升，甚至跌完都照升之後，佢一升就會引好多散戶追，諗住搭一程；佢回落時又有散戶撈貨，諗住跌唔多又會再向上，這時持貨的大戶要派貨就好容易，佢幾時走都無人知。

有內地媒體報道，接近監管層消息人士指，若股市平穩，中證監在創業板啟動後，將紅籌回歸及國際板納入常規工作進程，而首批登陸國際板將是中移動(941) 、中海油(883)、控(005)及紐約證交所。該消息人士指，國際板在政策法律方面已沒大礙，僅具體規則還需要繼續「鋪墊」。重磅股控和中移動個別發展，控甫開市即抽升上85元上方，但尾市回落，升幅收窄，收報84.8元，逆市升1.1%，支撐住大市；中移動走勢就唔多靚仔，略為高開後即向下走，以接近全日最低位收市。收報76.5元，挫1.1%，拖大市後腿。

有控頂住，昨日表現最好的仍然係金融類，恒指金融分類指數逆市上升0.3% 。

新鴻基地產(016)公佈，截至6月底止全年業績，期內撇除投資物業重估的基礎溢利124.15億元，按年增加2%。證券商普遍預期新地全年核心盈利介乎115.2億至1 28.54億元，按年倒退5.5%至增加5.5%。

新地全年售出或預售物業收益257億元，按年增加81%，其中香港物業銷售額22 5億元，內地物業銷售32億元；年度內入帳的物業銷售收益170億元，按年增加48% 。公司新年度中港物業銷售額目標共230億元，對比上年度224.9億元，將上升2.3% ，將共推售3,500伙單位，涉4個項目。


忠旺股價突 急跌

其他股份方面，忠旺(1333)受內地報章不利報道消息影響，交易時段亦未見有澄清，雖然中期多賺72%，但股價跌至逾3個月低位，最低見7.65元，收報7.7元，挫11%。忠旺其後發出通告，指其招股書中主要客戶資料準確，並無任何誤導，並重申公司及董事會就資料準確性承擔全部責任。