陸羽仁 - 獅子回頭金不換

豐控股(005)在上周五宣佈重大決定，控行政總裁辦公室將搬到香港，意味集團行政總裁紀勤將由倫敦搬到香港辦公，並取代鄭海泉出任亞太區主席。集團執行董事霍嘉治將獲委任為個人理財及工商業務主席，常駐香港，集團行政總裁紀勤不在亞太區時，將由霍嘉治署任其亞太區職務。現時控亞太區主席鄭海泉將會調任豐中國董事長。

控呢一獅子回頭，影響深遠，牌面睇佢係浪子回頭，將注意力重新放在大中華，由以往亞洲、歐洲、美國業務三分天下的局面，改為比較集中在內地和香港。不過揭埋佢底牌，仲可以睇到事件的政治含意，大笨象已克服佢對內地政治恐懼症，來個180度轉變，甚至要把內地業務作為發展核心。

控近年的災難，源於佢大量投資在美國次按的業務，呢個災難的根源，其實不純粹係一個經濟決定，而主要由一個政治決定開始。1984年中國和英國簽署《中英聯合聲明》，決定在1997年將香港這個殖民地移交番俾中國，一個參與中英談判的內地高官當年向陸羽仁爆料，話中英談判時英國人首先提出的課題，並不是如何在97年後在香港進行普選，而係如何保障英資公司在97年後的利益。結果聯合聲明裏面講的50年不變，當然也包括經濟現狀的不變，不過在主要行業有壟斷性地位的英資公司並未放心，於是各師各法，以求自保。

怡和最驚，英國人未簽《中英聯合聲明》，佢已經在1983年3月28日突然宣佈，要把怡和控股公司的註冊地點由香港改為百慕達，搞出一個信心危機，惹起衝擊港元的風暴，結果港府訂立聯繫匯率穩定港元匯價，1美元兌7.8港元的匯率也在那年訂立。航空公司國泰(293)和電訊公司香港電訊(008)引入紅色資本家榮智健的中信泰富(267)入股，買政治保險。後來香港電訊母公司大東電報局索性一了百了，在97年後將香港電訊賣盤俾盈科，完全撤出香港。

豐當然不能獨善其身，佢在香港回歸問題浮現前，除係香港主要發鈔銀行之外，亦係半間香港中央銀行，其他銀行都要在豐開結算戶口，政府透過佢發揮中央銀行功能，豐和政府密不可分。到回歸問題浮現後，港府才成立金融管理局，慢慢將豐的中央銀行功能拆番出來，收番俾政府自己做。


豐遷冊李鵬無理

豐面對回歸問題初時不動聲色，按兵不動，直到1993年，才突然宣佈把註冊地點搬到英國，並把總部遷回倫敦。一個豐高層同陸羽仁講起，佢遷完冊之後，要去北京拜訪當時的中國總理李鵬，豐已經預中國政府會就遷冊一事大興問罪之師，怎料李鵬對豐遷冊隻字不提，大家嘻嘻哈哈就走過場，豐高層亦鬆一口氣。其實中國是抱一種我行我素的態度，認為英資若對中國收回香港無信心，大可請便，中國不會強留。

豐見遷冊遷得咁順利，就全面展開走出去的大計，佢當日遷冊倫敦，係怕97 年香港唔得，又或者豐在香港業務風光不再，所以佢唔止把註冊遷走咁簡單，最後目的是把業務多元化，由過往集中香港和亞洲，變為擴展至歐洲甚至美國。豐先收購英國米特蘭銀行，再收購美國海豐銀行，最後出重手收購做次按的美國Hous ehold，要和全世界第一大銀行花旗集團爭一日之長短。


連名都改劃清界線

豐唔止遷冊，仲改埋名，以往佢英文名簡稱HongKongBank(香港銀行)，都幾反映佢半間香港中央銀行身份，後來改名叫HSBC(豐控股的英文縮寫)，單睇個名幾個英文字母完全睇唔出香港的味道，即係要劃清界線，香港在97年後衰都唔關佢事。豐有咁樣心態，亦無可厚非，佢個名全稱係「香港上海豐銀行」，過去以上海為基地，但1949年中國解放後，呢間英資銀行在上海的資產亦被國有化，結果改為以香港為基地，中國又話要收番香港，佢可能真係怕歷史重演，所以走夾唔。

豐擔心的事情並無發生，豐無擔心的事情卻發生了，97年後香港不但無死，佢背靠的中國還大大發展，但07年美國銀行業就死，控落重注美國次按業務搞到一身蟻。

美國金融體系出的問題，顯然比控自己估計還要大，所以佢雖然係第一間走出來為次按業務大幅撥備的國際銀行，卻一直唔覺得要集資防身，終於在今年初被人狙擊，股價大跌，而在局面惡化後才低價供股集資，搞出一個28元供股、股價插到33元的慘劇。

災難過後，不能當災難無發生過，唔係股價彈番高就無事，因為唔睇唔理，不知那年那月，災難又會再發生，今次控將行政總裁辦公室移師到香港，的確可能是大變的開始。

控而家手上的美國次按業務，的確令人又愛又恨。恨者，係怕佢遲早搞死控，愛者，係美國樓市穩定下來後，可能有可觀的回撥，短期內可能有助控業績。綜合而言，股東會怕控災難過後當無事，繼續大力搞美國業務，試想美國作為經濟發達地區，經濟增長多極有限，控唔投資高增長的中國，投資美國，豈不是捨正路而弗由？


重回香港放眼神州

今年6月，國家副總理王岐山訪英時，英國提出希望中國容許英資大企業到中國上市，獲王岐山同意，外界相信到中國上市的英資中，控是首選。市場盛傳中國曾要求控把註冊搬回香港，才讓它到上海上市，如今控是中間落墨，把行政總裁辦公室搬回香港，但註冊留在英國，既照顧了英國的顏面，又滿足了中國的要求，而且控要重投大中華市場，把總部留在倫敦，確有鞭長莫及之歎，所以叫CE O紀勤到香港上班，滿足實際工作需要，的確是一石三鳥的好橋。

控投資美國損手，早前低價供股，在在顯示其管理層也非無敵團隊，港人愛控也不一定要盲目投資。但佢把行政總裁辦公室搬到香港，的確是重回亞洲的重要一步，大大增加吸引力，顯示佢有誠意朝向60%盈利由亞洲貢獻的目標邁進。

作為長線投資的股票，不一定愈平愈好，如果只是夕陽行業，就好似股神巴菲特執煙頭吸的理論，有夕陽公司好似煙頭，好似好抵，但執來吸幾啖就無價值(其實佢的旗艦公司巴郡的前身就係咁，係股神自認的一個錯誤投資)，若控以一間英資公司堅持大力投資在低增長的美國，恐怕也只是一隻煙頭股而已，但如今佢變身去投資內地，就增加了股票的投資價值。

獅子回頭，志在神州市場，回內地上市將是重要一步，如今看來成事的機會很大，只要內地股市不低迷，有一定的吸納能力，內地隨時向中移動(941)和豐這些外來公司開放集資市場，壯大上海作為金融中心的實力，控若在內地集了巨資，就更可能加大在內地的投資，出現一個良性循環。

超人增持有後？

中環茶友提起，最近長實主席李嘉誠密密手吸納長實(001)，值得關注。李超人為人精明，無寶不落，佢過往多數在股市低迷時，增持自己公司的股票，但如今長實每股97元，話低唔係太低，而且李超人在100元以上都照買，真係幾有信心。

茶友靠估，若長實亦密密部署回A股市場上市，以李超人的人脈關係，長實即使唔係第一隻上A，都有機會做頭一批，若然成事，長實股價又唔係今日呢個數字，李超人在長實持股量唔算高，所以趁「低」吸納都好正常。放大睇，若半年內港股上A的機制啟動，應可以推動港股更上層樓。