投資的天空：內房唔升泡沫唔爆

昨日外圍市況不俗，港股高開，卻幾乎已是全日最高位，不過士佳唔係太擔心，因為有在高位套利，暫時市況似乎是按筆者計劃行，短期應該較淡，但最惡劣情況應已過去，只是個別股隻估值漸高，所以大市暫時升唔起，如果期指回試 20200水平，到時又可以考慮入貨，短期市況仍要視中央政府下一步取態。對於內地情況，早前曾淵滄教授謂去大連見到當地豪宅十室九空，上周末筆者到貴州，乘車途中，見到市區有不少新落成住宅大廈，外觀美輪美奐，部份更已全幢售出，本應萬家燈火，但個別大廈晚上竟然連半盞燈都見唔到，簡直是十室十空。筆者所坐車輛的司機大哥正是其中業主之一，問及為何買新樓又唔住？司機大哥話舊屋與家人同住，住得舒服，買樓只是投資。



前天內地拍賣一幅南京地皮，拍賣期間反應異常熱烈，連拍賣官都打趣話「投資有風險，舉牌須謹慎」，最後內地保利地產以天價投得，究竟是地產商看得太好？還是內地樓市仍未夠瘋狂？現時仍然難以下定論，但聽落很夠嚇人，話沒有泡沫成份就假，不過，泡沫這玩意很有趣，當人人都驚泡沫隨時會爆，往往才是享受泡沫之時。士佳都認同泡沫最終會爆，但現時應仍未玩完，在救市維穩下，相信房地產仍是主力，牛市正是要炒泡沫，所以早前才為文說內房股是吼低買之選。早前內房股由高位回調不少，近幾日氣勢卻一時無兩，筆者覺得原因有二：一是早前沽空盤回補淡倉；二是資金擇肥而噬，內房股早已是目標之一，只待上大人放鬆微調手段。昨日市況雖然向淡，但整個內房板塊走勢不俗，相信即使大市再向下試，扯到內房股後腿，亦是低買良機，紜紜內房之中，揀邊隻好？筆者學索羅斯，炒泡沫要買升得較多及升得較少的，前者是保利香港（ 119），股價一直穩步上揚，昨日更逆市創近日新高，走勢相對有優勢，不妨分段買入，或候大市回調時加碼；後者是中渝置地（ 1224），早前受配股消息及大市拖累，不過近日股價已企穩，如果能升穿早前高位 4.98元，亦可一博。張士佳　華富嘉洛證券投資服務部董事