青心直說：微博上的樓市吶喊

早前電視台半夜重播陳年舊劇集《創世紀》，劇中有一段來自第48集的片段，被博客上載至YouTube，以「十年前同十年後都係一樣」作旁述，短短兩日已超過3萬個點擊，社會迴響極大。

但片段好快就被電視台以版權理由刪去，半夜有煲劇嘅夜鬼，肯定會記得這一場許文彪（陳錦雄飾）與演葉榮添（羅嘉良飾）口角戲，其間許文彪為自己所作所為辯護兼把責任推畀社會，對白如下「我唔係無試過，我試過安份守己，日搏夜搏，賺佢嘅一萬幾千！我試過……但係出面嗰班人，出面嗰班人呀！佢哋識建築識起樓咩？佢哋只係攞少少錢出嚟、攞少少時間，炒起咗個樓市就不停喺度賺大錢，呢啲叫公平咩？你出去問吓人，是旦問一個人，問吓佢哋需要啲乜嘢？佢哋啲答案好簡單，只係想要一間好普通好普通嘅樓，點解佢哋要用成世人嘅時間去供一層樓呀？因為啲有錢佬喺度玩嘢呀！越有錢就越有得玩，呢個世界叫公平咩？」

非洲收入歐洲房價

一語道盡幾許升斗小市民心聲！富者越富，貧者越貧，貧富趨向兩極化都未算不幸，為富不仁才是導致富豪形象插水之主要原因，社會欠公義更會助長歪風。

歷史不停重演，不單止在不同時空，更加在不同地域，只要上去內地微博睇睇內地買樓人士嘅心聲，就會發現天下烏鴉原來一樣黑。以下就係前晚從新浪微博發現，網民對內地樓價不忿嘅吶喊：

唐伯虎盪鞦韆：在這樣一個收入低於非洲，房價高於歐洲的國家，我們要反三俗且高雅的活着，這就是裝逼的最高境界。

搭訕子：最近資料表明，經濟增長已放慢，房價由假摔到真摔的可能性加大，現在我知道為甚麼這個時候測試房價跌6成的原因。該摔還得摔，這一跤遲早要跌，應了一句老話「出來混，遲早要還」。

胡孟青

作者為獨立股評人