窩輪摶擊：中遠調整完成22890炒一轉

花旗股市前晚繼續炒上，道指突破10500關，升100點，亦到咗阻力位，再要大幅炒上唔容易，能夠喺現水平整固已經好理想。

日股跌，A股又跌，噚日港股升133點，已算好好，尾段恒指雖然上過21000樓上，但沽盤好快殺到，噚日炒上都係因為今日拍賣山頂地皮對個市有支持，但睇大盤嘅手勢好似想壓番個市落嚟，賣地後應該會明朗。

中遠C輪22890：中國遠洋（1919）報收8.68元，升2.7%。早幾日突破50日線後腳步放慢，整固3日，10日線就快上越50日線現黃金交叉利好訊號，向好形態會進一步加強，破9.80元睇10.50元，可以諗吓隻C輪22890。

隻輪現價19.9仙，2011年8月29日到期，行使價8.50元，溢價20.9%，引伸波幅52.7%，槓桿率4.4倍（有效2.7倍），正股見10.50元，22890睇32.5仙，正股跌穿8元就沽咗隻輪。

俊樺